ຫົວຂໍ້: ຄວາມຄິດເຫັນຂອງນັກຮຽນຕໍ່ການຮຽນ-ການສອນ ວິທະຍາສາດສັງຄົມ ມັດທະຍົມຕອນຕົ້ນໜອງໄຜ່ ເມືອງຊະນະສົມບູນ
ແຂວງຈຳປາສັກ, ສົກຮຽນ
2013-2014.
ທີິມງານວິໄຈ: ນາງເກດສະໝອນ ພາສີ
ນາງຄຳມະນີ ພັນໂຊດ
ທ້າວອະນຸສິດ ກັນຍາວົງ
ສາຂາ: ວິທະຍາສາດສັງຄົມ
 |
ການວິໄຈຄັ້ງນີ້ມີຈຸດປະສົງເພື່ອ ເພື່ອສຶກສາຄວາມຄິດເຫັນຂອງນັກຮຽນຕໍ່ການຮຽນ-ການສອນ ວິທະຍາສາດສັງຄົມໃນ 3 ດ້ານຄື:
1.
ຄວາມເພິງພໍໃຈຕໍ່ວິທີສອນຂອງຄູ
2.
ຄວາມເພິງພໍໃຈຕໍ່ການນຳໃຊ້ສື່ການຮຽນ-ການສອນຂອງຄູ
3.
ຄວາມເພິງພໍໃຈຕໍ່ການຈັດກິດຈະກຳການຮຽນ-ການສອນຂອງຄູ
ຜູ້ວິໄຈໄດ້ໃຊ້ກຸ່ມຕົວຢ່າງໃນການວິໄຈຄັ້ງນີ້ໄດ້ກຳນົດເອົາ
ນັກຮຽນ
ຈຳນວນ 80ຄົນ, ໃນຊັ້ນ ມໍ3 ຈໍານວນ 40 ຄົນ ໄດ້ຈາກການສຸມເອົານັກຮຽນຫ້ອງລະ 20 ຄົນ ໃນຈຳນວນ
2 ຫ້ອງ ແລະ ໃນຊັ້ນມໍ 4 ຈໍານວນ
40 ຄົນ ໃນຈໍານວນ
1 ຫ້ອງ.
ເຄື່ອງມືທີ່ໃຊ້ໃນການວິໄຈປະກອບດ້ວຍແບບສອບຖາມ
ແບບມາດຖານພົວພັນເຖິງຄວາມຄິດເຫັນຂອງນັກຮຽນຕໍ່ການຮຽນ-ການສອນ ວິທະຍາສາດສັງຄົມ ມັດທະຍົມຕອນຕົ້ນໜອງໄຜ່ ເມືອງຊະນະສົມບູນ
ແຂວງຈຳປາສັກ, ສົກຮຽນ
2013-2014. ໃນ 3 ດ້ານຄື: ຄວາມເພິງພໍໃຈຕໍ່ວິທີສອນຂອງຄູ, ຄວາເພິງພໍໃຈຕໍ່ການນຳໃຊ້ສື່ການຮຽນ-ການສອນຂອງຄູ, ຄວາມເພິງພໍໃຈຕໍ່ການຈັດກິດຈະກຳການຮຽນ-ການສອນຂອງຄູ ເປັນແບບປະມານຄ່າ Likert
ສະຖິຕິທີ່ໃຊ້ໃນການວິເຄາະໄດ້ແກ່ ຄ່າເປີເຊັນ ແລະ ຄ່າສະເລ່ຍ
ຜົນການວິເຄາະພົບວ່າ:
1.
ຄວາມຄິດເຫັນຂອງນັກຮຽນຕໍ່ການຮຽນ-ການສອນ ວິທະຍາສາດສັງຄົມ ມັດທະຍົມຕອນຕົ້ນໜອງໄຜ່
ເມືອງຊະນະສົມບູນ
ແຂວງຈຳປາສັກ,
ສົກຮຽນ 2013-2014. ໃນ 3 ດ້ານຄື:
ຄວາມເພິງພໍໃຈຕໍ່ວິທີສອນຂອງຄູ,
ຄວາເພິງພໍໃຈຕໍ່ການນຳໃຊ້ສື່ການຮຽນ-ການສອນຂອງຄູ,
ຄວາມເພິງພໍໃຈຕໍ່ການຈັດກິດຈະກຳການຮຽນ-ການສອນຂອງຄູ ແມ່ນຢູ່ໃນລະດັບຫຼາຍ
2.
ເມື່ອພິຈາລະນາຕາມແຕ່ລະດ້ານ ດ້ານທີ່ມີຄ່າສະເລ່ຍສູງສຸດໄດ້ແກ່ດ້ານຄວາມເພິງພໍໃຈຕໍ່ການສິດສອນຂອງຄູ ຢູ່ໃນລະດັບຫຼາຍ ຮອງລົງມາແມ່ນ ດ້ານຄວາມເພີ່ງພໍໃຈຕໍ່ການຈັດກິດຈະກໍາການຮຽນ-ການສອນຂອງຄູ ຢູ່ໃນລະດັບຫຼາຍ ແລະ ດ້ານທີ່ມີຄ່າສະເລ່ຍໜ້ອຍສຸດໄດ້ແກ່ ດ້ານຄວາມເພິ່ງພໍໃຈຕໍ່ການນໍາໃຊ້ສື່ການຮຽນ-ການສອນຂອງຄູ
3.
ເມື່ອພິຈາລະນາເປັນລາຍຂໍ້ພົບວ່າ ຂໍ້ທີ່ມີຄ່າສະເລ່ຍສູງສຸດໄດ້ແກ່ ຂໍ້ ຄູມີແຜນການສອນ,
ບົດສອນກ່ອນຂື້ນຫ້ອງທຸກຄັ້ງ ຢູ່ໃນລະດັບ ຫຼາຍ ຮອງລົງມາໄດ້ແກ່ ຮອງລົງມາໄດ້ແກ່ຂໍ້
ເວລາດໍາເນີນການສອນຄູໃຫ້ນັກຮຽນສະແດງຄວາມຄິດເຫັນ ຢູ່ໃນລະດັບ ຫຼາຍ ຂໍ້ທີ່ມີຄ່າສະເລ່ຍໜ້ອຍສຸດໄດ້ແກ່ ຄູໄດ້ນໍາໃຊ້ສື່ທີ່ທັນສະໄໝເຂົ້າໃນການຮຽນ-ການສອນ ຢູ່ໃນລະດັບປານກາງ.
ไม่มีความคิดเห็น:
แสดงความคิดเห็น