ແບບຢ່າງບົດວິໃຈພາກປະຕິບັດ

ແບບຢ່າງບົດວິໃຈພາກປະຕິບັດ (ວິໃຈໃນຫ້ອງຮຽນ)

ຫົວຂໍ້ວິໄຈ : ບັນຫານັກຮຽນບໍ່ມັກມີສ່ວນຮ່ວມໃນການເຮັດວຽກກຸ່ມຊັ້ນມໍ 3/2 ທີ່ໂຮງຮຽນມ.ສ ສຸກສຳພັນ.

ຫົວຂໍ້ວິໄຈ : ບັນຫານັກຮຽນບໍ່ມັກມີສ່ວນຮ່ວມໃນການເຮັດວຽກກຸ່ມຊັ້ນມໍ 3/2ທີ່ໂຮງຮຽນມ.ສສຸກສຳພັນ.

1.   ປະຫວັດຄວາມເປັນມາແລະ ຄວາມສຳຄັນຂອງການວິໄຈ.

ໂຮງຮຽນມໍ.ສສຸກສຳພັນເປັນໂຮງຮຽນແຫ່ງໜຶ່ງທີ່ຕັ້ງຢູ່ໃນຂອບເຂດເທດສະບານເມືອງບາຈຽງແຂວງຈຳປາສັກ. ເຊິ່ງຂຶ້ນກັບກະຊວງສຶກສາທິການແລະກິລາເມືອງບາຈຽງຈະເລີນສຸກ, ຜ່ານການເຂົ້າຮ່ວມຮັບຟັງການລາຍງານຂອງທ່ານຜູ້ອຳນວຍການກ່ຽວກັບສະພາບການລວມຂອງໂຮງຮຽນໃນນັ້ນ, ໂຮງຮຽນສ້າງຕັ້ງຂຶ້ນໃນປີ 1980 ມີຊື່ວ່າໂຮງຮຽນອຸດົມສຸກສຳພັນ, ມີເນື້ອທີ່ 4,5 ເຮັກຕາ, ມີອາຄານຮຽນ 5 ຫຼັງ, ຮັບໃຊ້ບໍລິການນັກຮຽນທີ່ມາຈາກ 13 ໝູ່ບ້ານ, ໄລຍະໃກສຸດແມ່ນ 10 ກມ, ມີຫ້ອງຮຽນທັງໝົດ 14 ຫ້ອງຄື : ຊັ້ນລະ 2 ຫ້ອງ ແຕ່ຊັ້ນມໍ1 - ມໍ7, ມີຫ້ອງການ 2 ຫ້ອງ, ມີຈຳນວນຄູທັງໝົດ 33 ຄົນ, ຊາຍ 5 ຄົນ, ສາຍວິທະຍາສາດສັງຄົມ 18 ຄົນ, ຊາຍ 3 ຄົນ, ສາຍວິທະຍາສາດທຳມະຊາດ 10 ຄົນ, ຊາຍ 2 ຄົນ ແລະ ສາຍພາສາຕ່າງປະເທດ 5 ຄົນ, ຊາຍ 0 ຄົນ. ການຈັດການຮຽນ-ການສອນສ່ວນໃຫຍ່ແມ່ນເອົາຄູເປັນໃຈກາງເນື່ອງຈາກວ່າຍັງຂາດອຸປະກອນການຮຽນ-ການສອນ.

ບັນຫານັກຮຽນບໍ່ມີສ່ວນຮ່ວມໃນການຕອບຄຳຖາມເປັນບັນຫາໜຶ່ງທີ່ເຄີຍເກີດຂື້ນໃນຫລາຍໂຮງຮຽນເຊຶ່ງເປັນຜົນສະທ້ອນທີ່ບໍ່ດີຕໍ່ການຮຽນ - ການສອນເຊິ່ງຜູ້ເປັນຄູຄວນເອົາໃຈໃສ່ ແລະ ສຳລັບການແກ້ໄຂບັນຫາດັ່ງກ່າວພວກຂ້າພະເຈົ້າເຫັນວ່າຜູ້ເປັນຄູແມ່ນມີສ່ວນສຳຄັນໃນການແກ້ໄຂບັນຫາເພາະຄູຜ້ສອນອາດຮູ້ດີກວ່າຄົນອື່ນ ແລະ ຖ້າຫາກຄູປ່ອຍປະແມ່ນອາດຈະເກີດເປັນບັນຫາເຮື້ອຮັງເຮັດໃຫ້ນັກຮຽນຮຽນອ່ອນຕາມມາ ແລະ ອາດຄ້າງຫ້ອງໄດ້.

ຜ່ານການສັງເກດເຫັນວ່າບັນຫາດັ່ງກ່າວມັກເກີດໃນຊັ້ນຮຽນທີ່ມີນັກຮຽນຈຳນວນຫລາຍ ແລະ ມັກເກີດໃນຊັ້ນມັດທະຍົມຕົ້ນທັງນີ້ກໍ່ອາດຍ້ອນເດັກໃນໄວນີ້ຢູ່ໃນຊ່ວງທີ່ເລີ່ມ​ມີ​ຈິ​ຕະ​ສາດ​ໄວ​ອາ​ຍຸ

ເຮັດໃຫ້ເຂົາເຈົ້າມັກຮູ້ສຶກເບື່ອແລະຫງຸດຫງິດງ່າຍຕໍ່ກັບສິ່ງແວດລ້ອມທີ່ເກີດຂຶ້ນທຸກວັນດັ່ງນັ້ນການຮຽນ - ການສອນງຮຽກຮ້ອງໃຫ້ມີກິດຈະກຳທີ່ຈະກະຕຸ້ນຄວາມສົນໃຈຂອງເຂົາມີວິທີການສອນທີ່ເຂົ້າໃຈງ່າຍແລະໃຫ້ນັກຮຽນມສ່ວນຮ່ວມຫຼາຍຂຶ້ນ.

ຫຼັງຈາກໄດ້ຮັບຟັງການລາຍສະພາບລວມແລ້ວກຸ່ມວິໄຈຂອງພວກຂ້າພະເຈົ້າໄດ້ມີການປຶກສາຫາລືກັນ ເພື່ອວາງວິທີການດຳເນີນການເກັບກຳຂໍ້ມູນຂອງການວິໄຈ ໂດຍໄດ້ຕົກລົງກັນດ້ວຍການເຂົ້າຮ່ວມຊົ່ວໂມງສອນສັງເກດຕົວຈິງສອງຄັ້ງ ໃນຊົ່ວໂມງສອນຂອງຄູເກົ່າ ແລະ ຄູໃໝ່.ໃນການເຂົ້າຮ່ວມຊົ່ວໂມງສອນຄັ້ງທຳອິດໄດ້ພົບເຫັນບັນຫານັກຮຽນບໍ່ມັກມີສ່ວນຮ່ວມໃນການເຮັດວຽກກຸ່ມບັນຫາດັ່ງກ່າວໄດ້ເປັນອຸປະສັກຕໍ່ການຮຽນ-ການສອນເນື່ອງຈາກວ່າໃນເວລາເຮັດວຽກກຸ່ມນັ້ນມີນັກຮຽນຈຳນວນໜຶ່ງຍັງບໍ່ສົນໃຈໃນການສົນທະນາເຮັດວຽກກຸ່ມເຊິງມັນສະແດງອອກໃນການບໍ່ສົນໃຈ, ເອົາເລື່ອງອື່ນມາສົນທະນາກັນ, ຢອກໄຍກັນເຊິ່ງອາດຈະເກີດມາຈາກຫຼາຍສາເຫດເຊັ່ນ: ຄູໃຫ້ຄວາມສົນໃຈຕໍ່ນັກຮຽນບໍ່ທົ່ວເຖິງ, ນັກຮຽນມີອະຄະຕິຕໍ່ກັບວິຊາດັ່ງກ່າວ, ຫລືນັກຮຽນບໍ່ເຂົ້າໃຈຄຳຖາມຂອງຄູ.

         

ພວກຈ້າພະເຈົ້າທີມງານກຸ່ມວິໃຈຈຶ່ງນຳເອົາບັນຫາທີ່ກ່າວມາສົນທະນາປຶກສາຫາລືກັນເມື່ອປຶກສາຫາລືແລ້ວຈຶ່ງພ້ອມກັນສະເໜີຫົວຂໍ້ວິໃຈຂື້ນມາແລະໄດ້ຫົວຂໍ້ວິໃຈທີ່ເໝາະສົມທີ່ສຸດຈາກນັ້ນຈຶ່ງກຳນົດເອົາຫົວຂໍ້.

ຫົວຂໍ້ວິໄຈ : ບັນຫານັກຮຽນບໍ່ມັກມີສ່ວນຮ່ວມໃນການເຮັດວຽກກຸ່ມຊັ້ນມໍ 3/2ທີ່ໂຮງຮຽນມ.ສສຸກສຳພັນ.

2.   ຈຸດປະສົງຂອງການວິໄຈ

          ເພື່ອແກ້ໄຂບັນຫານັກຮຽນທີ່ບໍ່ມັກມີສ່ວນຮ່ວມໃນເວລາຮຽນ, ຊ່ວຍເຮັດໃຫ້ການຮຽນ-ການສອນມີການພັດທະນາຂຶ້ນຫຼາຍກວ່າເກົ່າ.

3.   ຂອບເຂດຂອງການວິໄຈ.

F ປະຊາກອນທີໃຊ້ໃນການວິໄຈ ແມ່ນໄດ້ກຳນົດເອົາຈຳນວນນັກຮຽນທັງໝົດຂອງຫ້ອງ ມໍ3/2 ຈຳນວນ    32 ຄົນ, ຍິງ 19 ຄົນ.

F ກຸ່ມຕົວຢ່າງ ແມ່ນໄດ້ເລືອກເອົານັກຮຽນທີ່ມີຈຸດພິເສດແຕກຕ່າງຈາກບຸກຄົນອື່ນ ຈຳນວນ 4 ຄົນ, ຍິງ 1 ຄົນ.

F ເນຶ້ອໃນການສອນ : ວິຊາ ພູມສາດ ບົດທີ 13 ປະເທດມາເລເຊຍ.

F ວິທີການສອນ : ການດຳເນີນການຮຽນ-ການສອນແມ່ນເອົານັກຮຽນເປັນໃຈກາງ ໂດຍໄດ້ມີກາານຈັດກຸ່ມອອກເປັນ 4 ກຸ່ມ.

4.   ຜົນປະໂຫຍດທີ່ໄດ້ຮັບຈາກການວິໄຈ.

ການເຮັດວິໄຈໃນຄັ້ງນີ້ສາມາດເຮັດໃຫ້ພວກຂ້າພະເຈົ້າເຫັນໄດ້ເຖິງຄວາມສຳຄັນຂອງວຽກງານສິດສອນຂອງຄູ, ຮູ້ໄດ້ເຖິງວິທີການແກ້ໄຂບັນຫາທີ່ເກີດຂຶ້ນກັບນັກຮຽນ ເພື່ອເຮັດໃຫ້ການດຳເນີນກິດຈະກຳການຮຽນ-ການສອນໃຫ້ມີປະສິດທິພາບ ແລະ ພວກຂ້າພະເຈົ້າກໍ່ຮູ້ສຶກພາກພູມໃຈທີ່ໄດ້ເປັນສ່ວນໜຶ່ງໃນການພັດທະນາການຮຽນ-ການສອນ.

5.   ວິທີການດຳເນີນການສອນໃນໄລຍະການລົງເຝິກຫັດ.

v  ການກະກຽມການສອນ :  ໃນການດຳເນີນການວິໄຈຄັ້ງນີ້ ພວກຂ້າພະເຈົ້າໄດ້ເລືອກເອົາວິຊາ ພູມສາດ ຊັ້ນມໍ 3 ເນື່ອງຈາກວ່າເປັນວິຊາທີ່ມີຄວາມເໝາະຕໍ່ການດຳເນີນການຮຽນ-ການສອນແບບເອົານັກຮຽນເປັນໃຈກາງ ໂດຍການຈັດກິດຈະກຳກຸ່ມ. ໃນແຕ່ລະຄັ້ງກ່ອນຂຶ້ນຫ້ອງສອນແມ່ນໄດ້ມີການແຕ່ງບົດສອນໂດຍອີ່ງໃສ່ແຜນການດຳເນີນການສອນຂອງບົດວິໄຈ, ມີການຜ່ານບົດສອນກ່ອນຂຶ້ນຫ້ອງສອນ, ໄດ້ນຳໃຊ້ສື່ການສອນທຸກຄັ້ງ ເຊິ່ງມີສື່ການສອນທີ່ສ້າງຂຶ້ນເອງ ແລະ ສື່ການສອນອື່ນໆເຊັ່ນ : ແຜນທີໂລກ, ແຜນທີປະເທດມາເລເຊຍ( ແຕ້ມ ), ໜ່ວຍໂລກຈຳລອງ ແລະ ຮູບພາບຕ່າງໆທີ່ກ່ຽວຂ້ອງ.

F ການວາງແຜນຄັ້ງທີ 1 :

          ເມື່ອເຫັນໄດ້ບັນຫາດັ່ງກ່າວ, ກຸ່ມຂອງພວກຂ້າພະເຈົ້າຈິ່ງໄດ້ປຶກສາຫາລືກັນພ້ອມທັງຄູປະຈຳຫ້ອງເກົ່າໃນການແກ້ໄຂບັນຫາດັ່ງກ່າວເຊິ່ງຫລາຍຄົນຕ່າງກໍ່ມີຄວາມເຫັນຫລາຍຢ່າງແຕ່ໄດ້ຕົກລົງເປັນເອກະສັນກັນວ່າຈະຫາວິທີແກ້ໄຂບັນຫາດັ່ງກ່າວແລະໄດ້ວາງແຜນດັ່ງນີ້:

-       ຄູແບ່ງນັກຮຽນອອກເປັນ 4 ກຸ່ມຍ່ອຍ. ແລ້ວໃຫ້ນັກຮຽນທີ່ບໍ່ຄ່ອຍມີສ່ວນຮ່ວມ( ກຸ່ມເປັ້າໝາຍ )ເປັນຜູ້ຮັບຜິດຊອບກໍ່ຄືເປັນຫົວໜ້າກຸ່ມ ແລ້ວໃຫ້ອອກລາຍງານ.

-       ຄູຢາຍຄຳຖາມໃຫ້ແຕ່ລະກຸ່ມຄົ້ນຄວ້າ ແລ້ວໃຫ້ອອກມາລາຍງານ.

-       ຄູຕິດຕາມການເຮັດວຽກກຸ່ມຂອງນັກຮຽນ.

-       ຄູໃຫ້ຕົວແທນກຸ່ມ( ກຸ່ມເປົ້າໝາຍ )ອອກມາລາຍງານຜົນການຄົ້ນຄວ້າ.

-       ຄູສະເໜີໃຫ້ກຸ່ມອື່ນຖາມ ຫຼື ປະກອບຄຳຄິດເຫັນ.

-       ທີມງານວິໃຈສັງເກດຕໍ່ການປ່ຽນແປງຂອງພຶດຕິກຳຂອງນັກຮຽນ.

ª  ປະຕິບັດແລະສັງເກດ

ເມື່ອໄດ້ສຳເລັດການວາງແຜນແລ້ວພວກຂ້າພະເຈົ້າມີຄວາມເປັນເອກະພາບກັນນຳແຜນດັ່ງກ່າວມາປະຕິບັດເຂົ້າໃນການສອນຄື:

v  ປະຕິບັດແລະສັງເກດຄັ້ງທີໜຶ່ງ: ຕອນເຊົ້າວັນສຸກຊົ່ວໂມງ 1-2 ຂອງວັນທີ 21/3/2014 .

ຂ້າພະເຈົ້າທ້າວວິໄລສັກແກ້ວຍະສອນເປັນຜູ້ດຳເນີນການສອນເວລາ 7:30 – 9:20 ວິຊາພູມສາດ ບົດທີ 13 ປະເທດມາເລເຊຍແຜນທີ່ນຳໃຊ້ການສິດສອນຄື:

-       ຄູແບ່ງນັກຮຽນອອກເປັນ 4 ກຸ່ມຍ່ອຍ. ແລ້ວໃຫ້ນັກຮຽນທີ່ບໍ່ຄ່ອຍມີສ່ວນຮ່ວມ( ກຸ່ມເປັ້າໝາຍ )ເປັນຜູ້ຮັບຜິດຊອບກໍ່ຄືເປັນຫົວໜ້າກຸ່ມ ແລ້ວໃຫ້ອອກລາຍງານ.

-       ຄູຢາຍຄຳຖາມໃຫ້ແຕ່ລະກຸ່ມຄົ້ນຄວ້າ ແລ້ວໃຫ້ອອກມາລາຍງານ.

-       ຄູຕິດຕາມການເຮັດວຽກກຸ່ມຂອງນັກຮຽນ.

-       ຄູໃຫ້ຕົວແທນກຸ່ມ( ກຸ່ມເປົ້າໝາຍ )ອອກມາລາຍງານຜົນການຄົ້ນຄວ້າ.

-       ຄູສະເໜີໃຫ້ກຸ່ມອື່ນຖາມ ຫຼື ປະກອບຄຳຄິດເຫັນ.

-       ທີມງານວິໃຈສັງເກດຕໍ່ການປ່ຽນແປງຂອງພຶດຕິກຳຂອງນັກຮຽນ.

ຜູ້ເຂົ້າຮ່ວມສັງເກດໃນຄັ້ງນີ້ແມ່ນ: ທ້າວທອງຄານສຸດທະບົວລີ ແລະ ທ້າວສຸລິຍາແກ້ວພູວອນ.

F ສະທ້ອນຄືນ.

ສັງເກດເຫັນວ່າ: ຄູໄດ້ເອົາໃຈໃສ່ດຳເນີນການຕາມແຜນທີ່ໄດ້ວາງໄວ້ເປັນຢ່າງດີຈົນເຮັດໃຫ້ນັກຮຽນກຸ່ມເປົ້າໝາຍມີຄວາມກະຕືລືລົ້ນຕໍ່ການມີສ່ວນຮ່ວມເຮັດວຽກກຸ່ມຫຼາຍຂຶ້ນເຊິ່ງມັນສະແດງອອກໃນການເອົາໃຈໃສ່ຄົ້ນຄ້ວາບົດຮຽນຄຽງຄູ່ໄປກັນນັ້ນກໍ່ຍັງມີຈຳນວນກຸ່ມເປົ້າໝາຍທີ່ຍັງບໍ່ທັນສົນໃຈຕໍ່ການເຮັດວຽກກຸ່ມເຊິ່ງມັ ນສະແດງອອກໃນການບໍ່ສົນໃຈເຊັ່ນ: ເອົາເລື່ອງອື່ນມາສົນທະນາກັບໝູ່. ສະນັ້ນ, ກຸ່ມຊ້າພະເຈົ້າຈຶ່ງນຳເອົາບັນຫາທີ່ຍັງຄົງຄ້າງມາປຶກສາຫາລືກັນແລະໄດ້ວາງແຜນແກ້ໄຂບັນຫາເທື່ອທີສອງພ້ອມປະຕິບັດ.

F ວາງແຜນຄັ້ງທີ່ສອງ :

ຄັ້ງທີສອງແມ່ນຈະຈັດກຸ່ມອີກຄັ້ງແລ້ວຄູຈະໄຊ້ຄຳຖາມເປີດແລ້ວຈະເນັ້ນກຸ່ມເປົ້າຫມາຍໃຫ້ລຸກຂຶ້ນຕອບ ແລະ ໃຫ້ໝູ່ເພື່ອນກຸ່ມອື່ນຖາມ ແລະ ຄູຈະຊ່ວຍໃນການຕອບໃນກໍລະນີນັກຮຽນຕອບບໍ່ໄດ້ ແລະ ຄັ້ງນີ້ແມ່ນຄູຈະໃຫ້ຄວາມໃກ້ຊິດແລະຕຶດຕາມແນະນຳໃຫ້ຫຼາຍກວ່າເກົ່າ ແລະ ຈະສ້າງແຮງຈູງໃຈເຊັ່ນ : ຍ້ອງຍໍຊົມເຊີຍ ແລະ ອາດໃຫ້ຄະແນນແກ່ຜູ້ຕອບ. ເຊິ່ງມີວິທີການດຳເນີນຕາມຂັ້ນຕອນດັ່ງນີ້ :

- ຄູແບ່ງນັກຮຽນອອກເປັນ 4 ກຸ່ມຍ່ອຍ.

- ຄູຢາຍຄຳຖາມໃຫ້ແຕ່ລະກຸ່ມຄົ້ນຄວ້າ ແລ້ວໃຫ້ອອກມາລາຍງານ. ໂດຍຄູໄດ້ຈັດຕັ້ງເອົານັກຮຽນກຸ່ມເປົ້າໝາຍເປັນຫົວໜ້າກຸ່ມ. ແລ້ວອອກມາລາຍງານ.

- ຄູຕິດຕາມການເຮັດວຽກກຸ່ມຂອງນັກຮຽນ ໂດຍໃຫ້ຄວາມໃກ້ສິດກັບກຸ່ມເປົ້າໝາຍໃຫ້ລາຍຂຶ້ນ.

- ຄູໃຫ້ຕົວແທນກຸ່ມ( ກຸ່ມເປົ້າໝາຍ )ອອກມາລາຍງານຜົນການຄົ້ນຄວ້າ.

- ຄູສະເໜີໃຫ້ກຸ່ມອື່ນຖາມ ຫຼື ປະກອບຄຳຄິດເຫັນ.

- ຄູຈະຊ່ວຍໃນການຕອບໃນກໍລະນີນັກຮຽນຕອບບໍ່ໄດ້.

- ຄູຈະໃຫ້ຄວາມໃກ້ຊິດແລະຕຶດຕາມແນະນຳໃຫ້ຫຼາຍກວ່າເກົ່າ ແລະ ຈະສ້າງແຮງຈູງໃຈເຊັ່ນ : ຍ້ອງຍໍຊົມເຊີຍ ແລະ ອາດໃຫ້ຄະແນນແກ່ຜູ້ຕອບ.

- ທິມງານວິໄຈສັງເກດການປ່ຽນແປງພຶດຕິກຳຂອງນັກຮຽນ.

v  ການປະຕິບັດແລະສັງເກດເທື່ອທີສອງ.

ວັນສຸກທີ 4/4/2014 ເວລາ 7:30 – 9:20 ຂ້າພະເຈົ້າທ້າວສຸລິຍາແກ້ວພູວອນ ເປັນຜູ້ດຳເນີນການສອນ ວິຊາ ພູມສາດ ບົດທີ 13 (ຕໍ່) ປະເທດມາເລເຊຍ. ວິທີການດຳເນີນການສອນມີດັ່ງນີ້ :

-       ຈະຈັດກຸ່ມອີກຄັ້ງແລ້ວຄູຈະໄຊ້ຄຳຖາມເປີດແລ້ວຈະເນັ້ນກຸ່ມເປົ້າຫມາຍໃຫ້ລຸກຂຶ້ນຕອບ.

-       ຄູແບ່ງນັກຮຽນອອກເປັນ 4 ກຸ່ມຍ່ອຍ.

-       ຄູຢາຍຄຳຖາມໃຫ້ແຕ່ລະກຸ່ມຄົ້ນຄວ້າ ແລ້ວໃຫ້ອອກມາລາຍງານ. ໂດຍຄູໄດ້ຈັດຕັ້ງເອົານັກຮຽນກຸ່ມເປົ້າໝາຍເປັນຫົວໜ້າກຸ່ມ. ແລ້ວອອກມາລາຍງານ.

-       ຄູຕິດຕາມການເຮັດວຽກກຸ່ມຂອງນັກຮຽນ ໂດຍໃຫ້ຄວາມໃກ້ສິດກັບກຸ່ມເປົ້າໝາຍໃຫ້ລາຍຂຶ້ນ.

-       ຄູໃຫ້ຕົວແທນກຸ່ມ( ກຸ່ມເປົ້າໝາຍ )ອອກມາລາຍງານຜົນການຄົ້ນຄວ້າ.

-       ໃຫ້ໝູ່ເພື່ອນກຸ່ມອື່ນຖາມແລະຄູຈະຊ່ວຍໃນການຕອບໃນກໍລະນີນັກຮຽນຕອບບໍ່ໄດ້.

-       ຄັ້ງນີ້ແມ່ນຄູຈະໃຫ້ຄວາມໃກ້ຊິດແລະຕຶດຕາມແນະນຳໃຫ້ຫຼາຍກວ່າເກົ່າ.

-       ຈະສ້າງແຮງຈູງໃຈເຊັ່ນຍ້ອງຍໍຊົມເຊີຍແລະອາດໃຫ້ຄະແນນແກ່ຜູ້ຕອບ.

-       ທິມງານວິໄຈສັງເກດການປ່ຽນແປງພຶດຕິກຳຂອງນັກຮຽນ.

ª  ສະທ້ອນຄືນ

ຈາກການສັງເກດ ພົບວ່າມີຜົນສຳເລັດທີ່ຫນ້າເພິ່ງພໍໃຈຄື: ນັກຮຽນທີ່ຢູ່ໃນກຸ່ມເປົ້າຫມາຍໄດ້ມີສ່ວນຮ່ວມໃນການຕອບຄຳຖາມແມ່ນດີຂຶ້ນກວ່າເກົ່າເຫັນໄດ້ເຖິງການປ່ຽນແປງ ເຊິ່ງມັນໄດ້ສະແດງອອກໃນການມີສ່ວນຮ່ວມເຮັດວຽກກຸ່ມໄດ້ດີ ແລະ ບໍ່ເຂີນອາຍຄືແຕ່ກ່ອນ, ມີຄວາມໝັັ້ນໃຈຫຼາຍໃນເວລາອອກມາລາຍງານຜົນການຄົ້ນຄ້ວາ, ສາມາດຕອບຂໍ້ຂ້ອງໃຈຂອງໝູ່ເພື່ອນ.

ª  ສະຫຼຸບ

ການດຳເນີນການວິໄຈໃນຄັ້ງນີ້ສາມາດເຫັນໄດ້ເຖິງການປ່ຽນແປງຂອງພຶດຕິກຳຂອງນັກຮຽນທີ່ບໍ່ມັກມີສ່ວນຮ່ວມໃນການເຮັດວຽກກຸ່ມນັ້ນ ຫັນມາໃຫ້ຄວາມສົນໃຈໃນການເຮັດວຽກກຸ່ມຫຼາຍຂຶ້ນ. ຜົນສຳເລັດໃນຄັ້ງນີ້ກໍ່ໄດ້ຮັບກຸານເອົາໃຈໃສ່ ແລະ ການມີຄວາມສາມັກຄີພາຍໃນກຸ່ມ, ການໃຫ້ຄວາມຮ່ວມມືຈາກຄູເກົ່າ ແລະ ນັກຮຽນຫ້ອງ ມໍ3/2, ການດຳເນີນການຮຽນ-ການສອນແມ່ນມີການວາງແຜນຢ່າງລະອຽດ ທີ່ສຳຄັນແມ່ນໄດ້ຮັບການຊ່ວຍເຫຼືອຈາກຄູທີ່ປຶກວິທະຍາໄລຄູປາກເຊ. ການເຮັດວິໄຈໃນຄັ້ງນີ້ ສາມາດແກ້ໄຂບັນຫາຂອງນັກຮຽນທີ່ບໍ່ມັກມີສ່ວນຮ່ວມ ແລະ ເຮັດໃຫ້ຂະບວນການຮຽນ-ການສອນມີປະສິດທິພາບຫຼາຍຂຶ້ນກວ່າເກົ່າ. ແຕ່ຄ່ຽງຄູ່ກັນນັ້ນກໍ່ປາສະຈາກບໍ່ໄດ້ຂໍ້ທີ່ຍັງຄົງຄ້າງບາງບັນຫາທີ່ແກ້ໄຂຍັງບໍ່ທັນສຳເລັດຄື : ນັກຮຽນບາງຄົນບໍ່ມັກອ່ານບົດຮຽນ.

v  ສະພາບການສອນຕົວຈິງຂອງບົດສອນແມ່ນດຳເນີນການຮຽນ-ການສອນແບບເອົານັກຮຽນເປັນໃຈກາງ ໂດຍການຈັດກິດຈະກຳກູ່ມ.

·         ຂັ້ນນຳ :

- ຄູ ແລະ ນັກຮຽນທໍາຄວາມເຄົາລົບກັນ.

- ຄູກວດກາຄວາມເປັນລະບຽບ.

- ຄູກວດກາຈຳນວນພົນ.

- ຄູສະເໜີແຂກເຂົ້າຮ່ວມ ( ຖ້າມີ ).

- ຄູສະເໜີຈຸພິເສດຂອງຕົນ.

§  ທວນຄືນບົດຮຽນເກົ່າ:

-ຄູຕັ້ງຄຳຖາມ

1. ພູມອາກາດຂອງມາເລເຊຍເປັນແນວໃດ ?

- ຄູໃຫ້ນັກຮຽນລຸກຂຶ້ນຕອບ 1 – 2 ຄົນ.

- ຄູຊົມເຊີຍ.

- ຄູສະຫຼຸບຄືນ.

- ລ້ຽວເຂົ້າສູ່ບົດຮຽນໃໝ່ :

·         ຂັ້ນສອນ :

- ຄູສະເໜີບົດຮຽນບົດທີ 13 (ຕໍ່).

- ຄູແບ່ງກະດານອອກເປັນສອງສ່ວນ.

- ຄູຂຽນຫົວບົດໃສ່ກະດານ.

   ກິດຈະກຳທີ 1 :

- ຄູແບ່ງນັກຮຽນອອກເປັນ 4 ກຸ່ມຍ່ອຍ.

- ຄູຢາຍຄຳຖາມໃຫ້ແຕ່ລະກຸ່ມຄົ້ນຄວ້າ ແລ້ວໃຫ້ອອກມາລາຍງານ. ໂດຍຄູໄດ້ຈັດຕັ້ງເອົານັກຮຽນກຸ່ມເປົ້າໝາຍເປັນຫົວໜ້າກຸ່ມ. ແລ້ວອອກມາລາຍງານ.

- ຄໍາຖາມ :

 1. ຈົ່ງສັງລວມພູມສາດສັງຄົມໂດຍຫຍໍ້ ?

2. ການກະສິກຳຂອງມາເລເຊຍເປັນຄືແນວໃດ ?

3. ຍ້ອນຫຍັງອຸດສາຫະກຳຂອງມາເລເຊຍຈຶ່ງຂະຫຍາຍຕົວ ?

4. ການຄົມມະນາຄົມຂອງມາເລຍເຊຍມີຄືແນວໃດ ?

- ຄູຕິດຕາມການເຮັດວຽກກຸ່ມຂອງນັກຮຽນ ໂດຍໃຫ້ຄວາມໃກ້ສິດກັບກຸ່ມເປົ້າໝາຍໃຫ້ລາຍຂຶ້ນ.

- ຄູໃຫ້ຕົວແທນກຸ່ມ( ກຸ່ມເປົ້າໝາຍ )ອອກມາລາຍງານຜົນການຄົ້ນຄວ້າ.

- ຄູສະເໜີໃຫ້ກຸ່ມອື່ນຖາມ ຫຼື ປະກອບຄຳຄິດເຫັນ.

- ຄູສະຫຼຸບ :

·         ຂັ້ນສະຫຼຸບ :

-ຄູແລະນັກຮຽນພ້ອມກັນສະຫຼຸບບົດຮຽນ.

- ຄູເໜັ້ນບາງບັນຫາທີສຳຄັນຂອງບົດຮຽນ.

I.ພູມສາດທຳມະຊາດ.

II. ພູມສາດສັງຄົມ.

III. ພູມສາດເສດຖະກິດ.

- ຄູຖາມຂໍ້ຂ້ອງໃຈຂອງນັກຮຽນ.

- ຄູຕອບຂໍ້ຂ້ອງໃຈຂອງນັກຮຽນ( ຖ້າມີ ).

·         ຂັ້ນປະເມີນ :

- ຄູຕັ້ງຄຳຖາມ :

1. ຍ້ອນຫຍັງອຸດສາຫະກຳຂອງມາເລເຊຍຈຶ່ງຂະຫຍາຍຕົວ ?

- ຄູໃຫ້ນັກຮຽກຸ່ມເປົ້າໝາຍລຸກຕອບ 1 – 2 ຄົນ.

- ຄູຊົມເຊີຍ.

- ຄູສະຫຼຸບຄືນ.

·         ຂັ້ນຕັກເຕື່ອນ :

-       ຄູສຶກສາແນວຄິດຂອງນັກຮຽນທາງດ້ານການຮ່ຳຮຽນ ແລະ ການປະຕິບັດລະບຽບວິໄນ ໂດຍສະເພາະແມ່ນກຸ່ມເປົ້າໝາຍ.

v  ຜົນການວິໄຈຄັ້ງນີ້ສາມາດເຫັນໄດ້ເຖິງການປ່ຽນແປງຂອງພຶດຕິກຳຂອງນັກຮຽນທີ່ບໍ່ມັກມີສ່ວນຮ່ວມໃນການເຮັດວຽກກຸ່ມນັ້ນ ຫັນມາໃຫ້ຄວາມສົນໃຈໃນການເຮັດວຽກກຸ່ມຫຼາຍຂຶ້ນ, ເຫັນໄດ້ເຖິງຄວາມສຳຄັນຂອງການຮຽນແບບເຮັດວຽກເປັນກຸ່ມ.     ຈາກການດຳເນີນການວິໃຈ ແລະ ການສັງເກດຜົນໄດ້ຮັບຕົວຈິງເຫັນວ່າ : ການວິໃຈຄັ້ງນີ້ສາມາດແກ້ໄຂບັນ​ຫາ​ນັກ​ຮຽນ​ບໍ່​ມັກ​ມີສ່ວນ​ຮ່ວມ​ໃນ​ການ​ເຮັດ​ວຽກ​ກຸ່ມ​ໄດ້​ສຳ​ເລັດ. ຄິດ​ເປັນ​ເປີ​ເຊັນ​ແມ່ນ 90%. ສາ​ມາດ​ເຮັດ​ໃຫ້​ນັກ​ຮ​ຽນ​ຫັນ​ມາ​ເອົາ​ໃຈ​ໃສ່​ຕໍ່​ການ​ຮຽນ​ການ​ສອນຫຼາຍ​ຂຶ້ນ ກໍ່​ຄື​ມີ​ການ​ເອົາ​ໃຈ​ໃສ່​ຕໍ່​ການ​ຮຽນ​ໂດຍ​ການ​ຈັດ​ກິດ​ຈະ​ກຳ​ການ​ຮຽນ​ແບບ​ເປັນ​ກຸ່ມ​ດີ​ຂຶ້ນສົ່ງ​ຜົນ​ໃຫ້​ການ​ສອນ - ການ​ຮຽນ​ຮູ້​ມີ​ປະ​ສິ​ທິ​ພາບ​ດີ​ຂື້ນນັກ​ຮຽນ​ມີ​ຄວາມ​ເອົາ​ໃຈ​ໃສ່ ມີ​ກາ​ນ​ຖາມ​ບົດ​ຮຽນ​ນຳ​ໝູ່​ຄູ່ ແລະ ກ້າ​ຖາມ​ບົດ​ຮຽນ​ທີ່ບໍ່​ເຂົ້າ​ໃຈ​ນຳ​ອາ​ຈານ​ຜູ້​ສອນ.

v  ຂໍ້ສະເໜີ :

G  ສະ​ເໜີ​ບັນ​ດາ​ຄູ - ອາ​ຈານ​ໂຮງ​ຮຽນ​ມັດ​ທະ​ຍົມ​ຕົ້ນ​ຕ້ອງໄດ້​ເອົາ​ໃຈ​ໃສ່​ຕິດ​ຕາມ​ຕື່ມສຳ​ລັບ​ບັນ​ຫາ​ດັ່ງ​ກ່າວ.

A  ສະ​ເໜີ​ບັນ​ດາ​ອົງ​ການ​ຈັດ​ຕັ້ງ​ທີ່​ມີ​ສ່ວນ​ກ່ຽວ​ຂ້ອງ​ໃຫ້​ການ​ຮ່ວມ​ມື ແລະ ອຳ​ນວຍ​ຄວາມ​ສະ​ດວກ​ອີກ​ໃນ​ການ​ວິ​ໃຈ​ຄັ້ງ​ຕໍ່ໆ​ໄປ.